Columna Balteira é un corpo de creación escénica, investigación e acción fundado en 2025 e dirixido por Helena Salgueiro.

Alén de crear universos oníricos e conceptuais sobre as táboas, a Columna tamén activa comunalmente prácticas políticas e estéticas comprometidas coa identidade da Galiza, o ecofeminismo ou os movementos sociais.

No cruce entre pensamento e movemento, ofrece espazos de investigación, edita publicacións e arquiva memoria, situando o corpo na poética da acción.

Coreografando a resistencia porque as masas danzan ao axitarse e, ao organizarse, escriben e deixan trazos no espazo político.

A arte ao servizo da revolución porque a clase obreira pode e debe tomar as ferramentas simbólicas para prender ou propagar as faíscas do cambio social.